Natapos na an konstruksyon san mayaon sobra P7.4 milyones nga Evacuation Center sa Brgy. Salvacion, Bobon.

An duha ka-andana nga pasilidad mayaon kahiluag nga 171. Sq. m. Kumpleto san water supply ngan generator set, may waste water supply pipes ngan septic vault. Dugang sini, yaon ini concrete columns, beams, slabs, parapet wall, ngan canopy. Kaupod liwat san proyekto an electrical works ngan pintura san bug-os nga evacuation center.

Gintindog san Gobyerno Probinsyal, ini nga proyekto in kaparte san panalinguha san pamunuan ni Gobernador Edwin Ongchuan nga maibanan an risgo kon may mga kalamidad ngan malikayan an danyos o casualty sa panahon san bagyo o pagbaha.

An Brgy. Salvacion in mayaon populasyon nga maharani 4,000 ngan nahimumutang sa habubo nga lugar diin may risgo san pagbaha ngan pagpudos san hangin kon may bagyo.